Ողջունում ենք Ձեզ մեր ասոցիացիայի պաշտոնական կայքում։
Ուրախ ենք տեսնել Ձեզ Հայաստանի պերիօդոնտոլոգիական համայնքի միասնական հարթակում։
Հետևեք մեզ
Բաց մի թողեք մասնագիտական աճի հնարավորությունը։ Ծանոթացեք ասոցիացիայի կողմից կազմակերպվող առաջիկա գիտաժողովներին և սեմինարներին։
«Արմ․Պերիօ․2026» Հայաստանի պերիօդոնտոլոգների Ասոցիացիայի տարեկան գլխավոր գիտական միջոցառումն է, որի ընթացքում ներկայացվող նյութը հիմնված է համաշխարհային ապացուցողական գրականության, հեղինակավոր գիտական ամսագրերում տպագրված հոդվածների, կլինիկական հետազոտությունների, ինչպես նաև դասախոսների բազմամյա կլինիկական փորձի վրա:
Հայաստանի պերիօդոնտոլոգների ասոցիացիան միավորում է ոլորտի առաջատար մասնագետներին՝ նպատակ ունենալով զարգացնել գիտական և գործնական պերիօդոնտոլոգիան մեր երկրում։
Հայաստանում պերիօդոնտոլոգիական ծառայությունների որակը համաշխարհային չափանիշներին հասցնելու ինչպես նաև ախտորոշման և բուժման միասնական նշաձող սահմանելու համար։
Գիտական անաչառություն, ուղեցույցների մշակում, կլինիկական մտածելակերպի առաջնահերթություն և գործընկերային փոխօգնություն՝ ի շահ պացիենտի անվտանգության և կյանքի որակի բարելավման։
Ձևավորել պերիօդոնտոլոգիական հզոր դպրոց, որը կթելադրի ոլորտի որակական նշաձողը և կլինի վստահելի հենարան յուրաքանչյուր բժշկի համար։
Տարիների հետևողական աշխատանքի շնորհիվ Ասոցիացիան դարձել է պերիօդոնտոլոգիայի զարգացման շարժիչ ուժը Հայաստանում։ Ստորև ներկայացված ցուցանիշները մեր թիմային նվիրումի, իրականացված բազմաթիվ նախագծերի և միջազգային ամուր կապերի լավագույն ապացույցն են։
Միավորելով մասնագիտական ներուժը և գիտական միտքը՝ ի շահ հանրային առողջության։
Հարգելի՛ գործընկերներ,
Ողջունում եմ Ձեզ Հայաստանի պերիօդոնտոլոգների ասոցիացիայի պաշտոնական կայքում։
Ինձ համար մեծ պատիվ և մասնագիտական բարձր պատասխանատվություն է ստանձնել Ասոցիացիայի նախագահի պաշտոնը՝ որպես կառույցի երկրորդ նախագահ։ Այս հանգամանքը պարտավորեցնում է ոչ միայն պահպանել մինչ այժմ ձևավորված ավանդույթներն ու ձեռքբերումները, այլև նոր թափ հաղորդել կազմակերպության ինստիտուցիոնալ զարգացմանը։
Մեր գործունեության առանցքում պերիօդոնտոլոգիայի՝ որպես ստոմատոլոգիայի հիմնարար ուղղության ամրապնդումն է Հայաստանում։ Մենք որդեգրել ենք հստակ ռազմավարություն՝ հիմնված ապացուցողական բժշկության, միջազգային չափորոշիչների ներդրման և մասնագիտական էթիկայի անշեղ պահպանման վրա։
Ասոցիացիան շարունակելու է գործել որպես համախմբող հարթակ՝ խթանելով գիտական մտքի փոխանակումը և շարունակական կրթությունը։ Համոզված եմ, որ համատեղ ջանքերով մենք կկարողանանք ապահովել ոլորտի որակական առաջընթացը՝ ի շահ հանրային առողջության։
Հարգանքով՝
Ասոցիացիային անդամակցությունը նպատակաուղղված է Հայաստանում պերիօդոնտոլոգիայի համակարգված զարգացմանը և կլինիկական փորձի փոխանակմանը։
Ասոցիացիան ծառայում է որպես մասնագիտական հարթակ, որտեղ կլինիկական դեպքերի քննարկումը և փորձառության փոխանակումը հիմք են հանդիսանում ոլորտի միասնական և համահավասար զարգացման համար։ Սա հնարավորություն է մասնագիտական գործունեությունը դիտարկելու գիտական արդի համատեքստում։ Այս նպատակին են ծառայում պարբերաբար կազմակերպվող Պերիօ֊ակումբները։
Անդամակցությունը ենթադրում է ներգրավվածություն կրթական ծրագրերում` Պերիօ֊դպրոցի շրջանակներում, որոնք հիմնված են ապացուցողական բժշկության սկզբունքների, միջազգային ուղեցույցերի և չափորոշիչների վրա։ Մենք կարևորում ու կիսվում ենք բուժման նորագույն եղանակների գործնական կիրառմամբ։
Մեր անդամների գործունեության հիմքում ընկած է հավատարմությունը բժշկական էթիկայի կանոններին և պերիօդոնտոլոգիական ծառայությունների որակի բարձրացմանը։ Ասոցիացիան նպաստում է մասնագիտական պատասխանատվության և կոլեգիալ փոխօգնության մթնոլորտի ձևավորմանը։
Ասոցիացիայի և «ՕՀՖԱՐ» (OHFAR) հիմնադրամի միջև ստորագրված հուշագիրը հիմք է դնում ռազմավարական գործընկերության։ Մենք միավորում ենք մասնագիտական ներուժը՝ Հայաստանի մարզերում կանխարգելիչ ստոմատոլոգիայի զարգացման և երեխաների բուժման միասնական չափորոշիչների ներդրման նպատակով։
Այստեղ ամփոփված են մեր իրականացրած տեղական և միջազգային գիտաժողովներն ու սեմինարները։ Դրանք արտացոլում են ոլորտի զարգացմանն ուղղված Ասոցիացիայի հետևողական գործունեությունը։
Հայաստանի պերիօդոնտոլոգների ասոցիացիայի 10-ամյակին նվիրված գիտաժողովը հանդիսանում է կառույցի կողմից իրականացվող կրթական կարևոր նախաձեռնություններից մեկը: Յուրաքանչյուր միջոցառմամբ …
Իմանալ ավելին
Գիտագործնական համաժողով՝ նվիրված պերիօդոնտոլոգիայի և վերականգնողական ստոմատոլոգիայի արդի խնդիրներին «PERIO YEREVAN 2022» գիտաժողովը հանդիսանում է մասնագիտական հարթակ, որտեղ դիտարկվ…
Իմանալ ավելինԱսոցիացիայի կրթական ծրագրերն ու նախաձեռնությունները կյանքի են կոչվում մեր հովանավորների անմիջական աջակցությամբ։ Երախտապարտ ենք R.O.C.S., KIN, CURAPROX, INAID և PROSCAN ընկերություններին՝ մասնագիտական ոլորտին սատարելու և պերիօդոնտոլոգիայի զարգացման մեր առաքելությունը կիսելու համար։
Ասոցիացիայի առաքելությունն է համախմբել ոլորտի մասնագետներին՝ ի շահ պերիօդոնտոլոգիայի զարգացման։ Մենք ակտիվորեն մասնակցում ենք նեղ մասնագիտական դաշտի կարգավորմանը, գիտահեն ուղեցույցների ներդրմանը և միջազգային կապերի հաստատմանը՝ սահմանելով բուժման միասնական չափորոշիչներ Հայաստանում։
Այս գործառույթն իրականացվում է «Պերիօ-դպրոցի» կրեդիտավորված մոդուլների և տարեկան գիտաժողովների միջոցով։ Մենք հրավիրում ենք միջազգային ճանաչում ունեցող լավագույն մասնագետների։
Պերիօդոնտոլոգիան ժամանակակից ստոմատոլոգիայի հիմքն է։ Առանց պերիօդոնտալ առողջության հնարավոր չէ հասնել համալիր բուժման երկարատև հաջողության։
Սրանք Ասոցիացիայի կրթական հիմնասյուներն են․ դպրոցը ապահովում է համակարգված վերապատրաստում, իսկ ակումբը՝ կլինիկական դեպքերի քննարկման հարթակ։
Ասոցիացիան բաց է բժիշկ-ստոմատոլոգների, դիմածնոտային վիրաբույժների, կլինիկական օրդինատորների և ուսանողների համար։
Ասոցիացիան իրականացնում է կրթական, կանխարգելիչ և հանրային առողջության ծրագրեր՝ համագործակցելով մասնագետների ու գործընկեր կառույցների հետ։