«ԻՆՏԵԳՌԱ» մուլտիդիսցիպլինար գիտաժողով` նվիրված բերանի խոռոչի ախտահարումներին

«ԻՆՏԵԳՐԱ» գիտաժողովը հանդիսանում է բացառիկ համագործակցային հարթակ՝ կազմակերպված «Հայաստանի պերիօդոնտոլոգների ասոցիացիայի», «Հայկական բժշկական ասոցիացիայի» և «Մաշկավեներաբանների հայկական ասոցիացիայի» կողմից։ Միջոցառման առանցքում բերանի խոռոչի և մաշկային հիվանդությունների փոխկապակցվածության խնդիրներն են, որոնք պահանջում են մասնագիտական համատեղ մոտեցում և գիտելիքների փոխանակում։
Գիտաժողովի նպատակն է սահմանել ախտորոշման և բուժման միասնական չափորոշիչներ այնպիսի դեպքերում, երբ համակարգային կամ մաշկային հիվանդություններն ունենում են արտահայտված կլինիկական դրսևորումներ բերանի խոռոչում։
Գիտական ծրագրի հիմնական ուղղությունները.

• Համալիր ախտորոշում և կանխարգելում. Բերանի խոռոչի ախտահարումների վաղ հայտնաբերման մեթոդաբանությունը մաշկային տարբեր հիվանդությունների ժամանակ:
• Մուլտիդիսցիպլինար բուժական արձանագրություններ. Պերիօդոնտոլոգի և մաշկաբանի համատեղ աշխատանքի մոդելների ներդրում՝ հիմնված միջազգային առաջատար փորձի վրա:
• Կլինիկական փորձի տեղայնացում. Տարբեր երկրներում հաջողված ուղեցույցների և գիտականորեն հիմնավորված մեթոդների ներկայացումը հայաստանյան մասնագիտական համայնքին:
• Հոգե-սոցիալական ասպեկտներ և կյանքի որակ. Պացիենտների բազմակողմանի աջակցության ռազմավարությունների մշակումը քրոնիկական ախտահարումների պարագայում:

Միջոցառման արդիականությունը
Բերանի խոռոչի ախտահարումները հաճախ հանդիսանում են համակարգային առողջական խնդիրների առաջնային դրսևորումներ։ «ԻՆՏԵԳՐԱ» գիտաժողովը շեշտադրում է գիտական հետազոտությունների և կլինիկական դեպքերի համադրման կարևորությունը։ Սա թույլ է տալիս մասնագետներին ընդլայնել իրենց մասնագիտական տեսադաշտը՝ դուրս գալով նեղ մասնագիտական շրջանակներից և ապահովելով պացիենտների բուժման առավել բարձր որակ։